PEFK organized 2 Days Training workshop
Views: 1624Published on: 11-Jun-2023
فنانشل مارکیٹ میں آنلائن کاروبار سے کیسے فائدہ اٹھائیں کے موضوع پر پاکستان ایمپلائمنٹ فورم کویت اور نور اکیڈمی کے زیر اہتمام دو روزہ ٹرینینگ ورکشاپ کا اہتمام كيا.
پاکستان ایمپلائمنٹ فورم کویت پاکستانی پروفیشنلز پر مشتمل ایک منفرد اور قابلِ فخر تنظیم ھے جو ھموطنوں کو دیار غیر میں ملازمت کے حصول میں رہنمائی اور معاونت فراھم کرتی ھے اور وقتا فوقتاً اپنی کمیونٹی کے لئے مختلف قسم کی پروفیشنل ٹرینینگ کا اہتمام بھی کرتی ھے جس سے ورکنگ پروفیشنل کی صلاحیتوں کو جلا ملتی ھے اور ان کے علم میں اضافہ ھوتا ھے جس سے ان کے کرئیر میں ترقی کی مزید راھیں کھلتی ھیں۔ اسی سلسلے کو جاری رکھتے ہوئے پاکستان ایمپلائمنٹ فورم کویت اور نور اکیڈمی کی جانب سے فنانشل مارکیٹ میں آنلائن کاروبار سے کیسے فائدہ اٹھائیں کے موضوع پر گزشتہ دنوں 23 اور 24 مئی کو پاکستانی کمیونٹی کے لیے دو روزہ ٹرینینگ ورکشاپ کا اہتمام کیا گیا جس میں مختلف شعبہ ہائے زندگی سے پروفیشنلز نے شرکت کی۔ یہ اپنی نوعیت کی تیسری ورکشاپ تھی۔ جو اردو بولنے والی کمیونٹی کے لئے بالخصوص منعقد کی گئی تھی۔ ورکشاپ کا مقصد فننانشل مارکیٹ اور آن لائن ٹریڈنگ کے حوالے سے بنیادی معلومات سے روشناس کروانا تھا تاکہ بیرون ملک رہتے ہوئے حفاظتی تدابیر کے ساتھ سرمایہ کاری کی جائے۔
ورکشاپ میں معروف ماہر معیشت محسن خان نے مختلف پریزینٹیشن کے ذریعے شرکاء کو بتایا کہ وہ کسطرح مختلف اشیاء میں سرمایہ کاری کرسکتے ہیں اور اس کا تفصیلی طریقہ کار کیا ہے۔ انہوں نے مزید بتایا کہ کسطرح دنیا بھر میں محفوظ طریقے سے سرمایہ کاری کرنے کے ساتھ ساتھ جعلی کمپنیوں سے بھی بچا جائے۔ ورکشاپ کے بعد کوئز اور سوالات و جوابات کا سیشن بھی منعقد کیا گیا۔ اور شرکاء کو عملی مشق بھی کرائی گئی جس میں سب نے انتہائی دلچسپی اور توجہ کا مظاہرہ کیا -
آخر میں صدر پاکستان ایمپلائمنٹ فورم کویت محمد عرفان عادل نے تمام شرکاء کا شکریہ ادا کیا جنہوں نے اس میں بھرپور شرکت کی۔ اسکے علاوہ انہوں نے فورم کی ٹیم اور نور اکیڈمی اور انوسٹمنٹ کمپنی کا بھی شکریہ ادا کیا جن کی بدولت یہ ورکشاپ کا انعقاد عمل میں آیا اور پاکستانی و دیگر کمیونٹی کو اردو زبان میں بنیادی معلومات سے آگاہی دی گئی۔ آخر میں انہوں نے فرم کے ہیڈ آف مارکیٹنگ فراز مشتاق اور ٹرینر محسن خان کا خصوصی شکریہ ادا کیا۔ اسکے بعد شرکاء میں تحائف بھی تقسیم کیے گئے۔ انہوں نے پاکستان ایمپلائمنٹ فورم کویت کی ٹیم ممبران شہباز علی اور ٹریننگ انسٹرکٹر محسن خان کا بھی شکریہ ادا کیا اور ان سب کی کاوشوں کو خراجِ تحسین پیش کیا ۔ آخر میں سب شرکاء کی تواضع ریفریشمنٹ سے کی گئی۔ شرکاء کی دلچسپی اور اور مطالبے پر آئیندہ بھی ایسی ورکشاپس کے انعقاد کا اعادہ کیا گیا۔