Inauguration of Summer Camp 2023 by IEC Kuwait
Views: 1594Published on: 11-Jun-2023
کویت 9 جون 2023 سمر کیمپ کی افتتاحی تقریب یوتھ ونگ اسلامک ایجوکیشن کمیٹی کے زیر اہتمام سکول کے بچوں کے سمر کیمپ کی افتتاحی تقریب آج اسلامک کلچر سنٹر خیطان میں منعقد کی گئی۔ تقریب کی کمپیئرنگ کے فرائض لیاقت بٹ صاحب نے ادا کیے۔ تقریب کا آغاز تلاوت کلام پاک سے کیا گیا جس کی سعادت نوجوان قاری ابراہیم شفیق کے حصے میں آئی۔ قائم مقام صدر یوتھ ونگ جناب عبدالغفار صاحب نے یوتھ ونگ کے اغراض و مقاصد اور اس کی عمومی سرگرمیوں اور کمیونٹی خدمات کے حوالے سے یوتھ ونگ کے کردار پر روشنی ڈالی۔ سمر کیمپ کے فارمیٹ اور بچوں کے لیے سمر کیمپ کے اہداف بارے میں سمر کیمپ کے انچارج ذیشان علی نے حاضرین کے سامنے گفتگو رکھی۔ یوتھ ونگ کے سابق صدر اور موجودہ شعبہ تعلقات عامہ اسلامک ایجوکیشن کمیٹی کویت کے انچارج جناب صدف علی صدف نے سمر کیمپ کی 17 سالہ تاریخ اور اس کی شاندار کارکردگی کے بارے میں والدین اور بچوں کو آگاہ کیا۔ مرکزی خطاب صدر اسلامک ایجوکیشن کمیٹی کویت جناب جاوید اقبال صاحب کا تھا۔ جس میں انہوں نے قرآن و حدیث سے مثالیں پیش کرتے ہوے تربیت کی اہمیت کے بارے میں حاضرین کو آگاہ کیا۔ علاوہ ازیں انہوں نے امت مسلمہ کو درپیش مسائل اور دین اسلام کی روشنی میں ان کے حل اور اس میں بچوں کی تربیت کیوں اور کیسے کی جائے کو بڑی تفصیل سے پیش کیا۔ تقریب میں اسلامک ایجوکیشن کمیٹی کی قیادت سمیت سمر کیمپ میں داخلہ لینے والے کثیر تعداد میں بچوں اور ان کے والدین نے شرکت کی۔ پروگرام کے اختتام پر جنرل سیکرٹری اسلامک ایجوکیشن کمیٹی کویت جناب نثار احمد خٹک صاحب نے دعا کروائی جس میں پاکستانی کمیونٹی اور امت مسلمہ کے روشن مستقبل کے لئے خصوصی دعا کی گئی۔ آخر میں بچوں کے ساتھ ملکر سمر کیمپ کا کیک کاٹا گیا اور پھر بچوں اور والدین کی ریفریشمنٹ سے تواضع بھی کی گئی۔ تقریب کی میڈیا کوریج آئی ای سی میڈیا ٹیم نےکی۔