ڈاکٹر سید جعفر صمدانی کے اعزاز میں پاکستان عوامی سوسائٹی کویت کی تقریب
Views: 1627Published on: 24-Jan-2023
پاکستان عوامی سوسائٹی کویت نے ڈاکٹر سید جعفر صمدانی کو ان کی پی ایچ ڈی مکمل کرنے کے اعزازمیں پر تکلف عشائیے کا اہتمام کیا گیا پروگرام کا آغاز تلاوت کلام پاک سے کیا گیا جس کی سعادت قاری عبدالرشید نے حاصل کی نظامت کے فرائض انجینئر آصف کمال نے ادا کیے تقریب کی صدارت الحاج عبدالرشید کھوکھر صدر منھاج القران انٹرنیشنل نے کی پروگرام میں مختلف ملکوں کے سفیرشریک تھے جن میں کویت میں موجود ٹوگوکے سفیرعزت مآب محمد سعد اورو سما تقریب کے مہمان خصوصی تھے اس کے علاوہ کینیا کی سفیر عزت مآب میڈم حلیمہ محمود، بنین کے سفیر عزت مآب سومنوایسوفو، ڈیجیبوٹی کے سفیر عزت مآب عبدالقادر حسین عمر، جنوبی سوڈان کے سفیر عزت مآب جناب جوزف دت کوئی ، بنگلہ دیش ایمبیسی کے ڈیفینس اتاشی برگیڈیئر حسن الزماں اور کویتی کمیونٹی کے وکلا یوسف احمد العربید المحام ، انجینئر احمد قطان، عبداللہ العبید المحام ، انجینئر عمر ، ایڈووکیٹ عادل ، ڈاکٹر مساعد النجار ، ڈاکٹر مساعد العتیبی ، ناصر بھی اس تقریب میں رونق افروز تھے پاکستانی کمیونٹی میں سفارتخانہ اسلامی جمہوریہ پاکستان کے کمیونٹی ویلفئیراتاشی جناب فرخ سیال کے ساتھ کثیر تعداد میں پاکستانی کمیونٹی نے شرکت کی- تمام مقررین نے ڈاکٹر جعفر صمدانی کو ان کی پی ایچ ڈی مکمل کرنے پر مبارکباد دی اور ان کے اس اقدام کونوجوانوں کے لیے مشعل راہ قرار دیا ڈاکٹرجعفر صمدانی نے اپنے خطاب میں کہا کہ یہ سب اللہ کا کرم اور ان کے والدین کی دعاؤں کا نتیجہ ہے کہ وہ یہ اعزاز حاصل کرنے میں کامیاب ہوئے- تقریب میں موجود تمام لوگ ڈاکٹر سید جعفر صمدانی کو پی ایچ ڈی مکمل کرنے کی مبارکباد کے لیے اس قدر بے تاب تھے ک تقریبا تمام ہی شرکاء عشائیے کا کھانا چھوڑ کر ڈاکٹر سید جعفر صمدانی کے ساتھ بات کرنے ان کو مبارکباد دینے اور ان ان کے ساتھ تصویر بنوانے کے شوق میں لمبی قطار میں کھڑے رہے-