انصاف ویلفئیر سوسائٹی کویت کے زیرِ اہتمام کویت کے مقامی ریسٹورانٹ میں جشن آزادی کے پروگرام کا انعقاد کیا گیا۔ جس میں سفارتخانہ پاکستان سے سفیرِ محترم جناب عزت مآب ملک محمد فاروق، کمیونٹی ویلفیئر اتاشی فرخ عامر سیال صاحب، ڈپٹی ہیڈ آف مشن فیصل مجید، ہیڈ آف پاسپورٹ سیکشن محمد عثمان سمیت کویت میں مقیم ممتاز سماجی و کاروباری شخصیات سمیت مختلف جماعتوں کے سربراہان، کمیونٹی ممبران، انصاف ویلفئیر سوسائٹی کویت کے عہدداران و کارکنان نے شرکت کی۔ پروگرام کی صدارت عزت مآب جناب پیر امجد حسین صاحب(صدر پی ٹی آئی کویت چیپٹر) نے کی۔
پروگرام کا باقاعدہ اور بھرپور آغاز نعیم جان صاحب نے کیا، تلاوت قرآن پاک کی سعادت قاری طلعت صاحب نے حاصل کی جبکہ نعت رسول مقبول صلی اللہ علیہ وآلہ وسلم کا ہدیہ عقیدت غلام سرور نقشبندی صاحب نے پیش کیا۔جس کے بعد کویت و پاکستان کا قومی ترانے چلائے گئے اور طارق صاحب نے ملی نغمہ پیش کیا۔ نعیم جان نے کمپیرنگ بھرپور انداز میں جاری رکھتے ہوئے جشن آزادی کے حوالے سے اظہار خیال کرنے کے لیے دعوت دینے کا سلسلہ شروع کیا اور ڈاکٹرز تنظیم کے ہیڈ ڈاکٹر رحمت اللہ صاحب، عارف بٹ صاحب، حافظ شبیر صاحب، آصف جمال صاحب نے اپنے اپنے خیالات کا اظہار کیا اور آخر میں دعوت خطاب کے لیے سفیر محترم جناب ملک محمد فاروق کو سٹیج پر آنے کی دعوت دی گئی، اُنہوں نے خطاب کرتے ہوئے سب کو جشن آزادی کی مبارک پیش کرتے ہوئے کہا کہ پاکستان نے تو ہمیں سب کچھ دیا ہے اب ہم نے پاکستان کو کچھ دینا ہے، ہمیں پاکستان میں مختلف شعبہ جات میں انویسٹمنٹ کرنی ہے، جس کی رہنمائی اور مدد کرنے کے لیے سفارتخانہ ہر وقت حاضر ہے، ان شاء اللہ پاکستان بہت ترقی کرے گا۔
نعیم جان نے کمپیرنگ کی بھرپور خدمات انجام دیتے ہوئے تمام میڈیا کا شکریہ ادا اور اختتامی کلمات کیلئے تقریب کے میزبان پیر امجد حسین کو سٹیج پر آنے کی دعوت دی۔ اُنہوں نے سب مہمانوں کا شکریہ ادا کرتے ہوئے انصاف ویلفئیر سوسائٹی کویت کے عہداران کا نام لے کر شکریہ ادا کیا جنہوں نے اتنے شارٹ نوٹس پر یوم آزادی کی تقریب کا بھرپور طریقے سے اہتمام کیا اور اختتامی دعا فرمائی۔

پروگرام کے آخر میں سفیر محترم اور سفارتخانہ پاکستان کے عملہ سمیت تمام کمیونٹی عہداران، ممبران کو باری باری کیک کٹنگ کے لیے سٹیج پر بلایا گیا اور پروگرام کا اختتام ایک پرتکلف عشائیہ پر ہوا۔ انصاف ویلفیئر سوسائٹی کویت