پاک ڈونرز کی جانب سے کویت کے مرحوم امیر شیخ صباح الاحمد الجابر الصباح کی خدمات کو خراج تحسین پیش کرنے کے لیے عطیہ خون کے کیمپ کا انعقاد کیا گیا جس میں پاکستانی کمیونٹی کے علاوہ دیگر قومیتوں کے افراد نے بڑھ چڑھ کر شرکت کی۔

6 گھنٹوں کے قلیل عرصے میں وزارت صحت کی جانب سے عائد کردہ قواعد و ضوابط کے تحت 147 افراد نے خون کا عطیہ دیا۔

اس کیمپ کا انعقاد پاکستانی بلڈ ڈونرز ایسوسی ایشن (پاک ڈونرز) نے اسلامک ایجوکیشن کمیٹی (یوتھ ونگ)، کویت سینٹرل بلڈ بنک اور سفارتخانہ پاکستان کے تعاون سے کیا تھا جبکہ ٹوسٹ ماسٹرز انٹرنیشنل نے اس کیمپ کے انعقاد میں اہم کردار ادا کیا۔

(جاری ہے)

پاکستانی بلڈ ڈونرز ایسوسی ایشن کا قیام 2011 میں عمل میں آیا تھا جو کہ اپنی نوعیت کی کویت میں پہلی تنظیم ہے جسکا مقصدعوام میں عطیہ خون کے حوالے سے آگاہی پیدا کرنا ہے تاکہ بوقت ضرورت خون کی کمی کا سامنا نہ کرنا پڑے۔

تنظیم کے تحت ایک درجن سے زائد بار کیمپ کا انعقاد کیا جا چکا ہے جس میں ہزاروں افراد نے اپنے خون کے عطیات دیے ہیں علاوہ ازیں، روزمرہ خون کی ضرورت کے حساب سے تنظیم اپنا بھرپور کردار ادا کرتی ہے۔

 

کویت میں سفیر اسلامی جمہوریہ پاکستان سید سجاد حیدر اور انکی اہلیہ مسز عنبرین مصطفٰی (صدر انٹرنیشنل ویمن گروپ کویت) نے خصوصی طور پر اس کیمپ میں شرکت کی اور تنظیم کی کارکردگی کو سراہا۔

کیمپ آمد پر سفیر پاکستان کا استقبال (ایگزیکٹو کمیٹی کے ارکان آصف خان ، عرفان سعید (سینیئر ایڈوائزرز پاک ڈونرز)، نعمان اسلم گھمن (ہیڈ پاک ڈونرز، کویت چیپٹر)، مسز شائستہ زاہد(ہیڈ ویمن ونگ، پاک ڈونرز) و دیگر ارکان نے کیا۔

 

سفیر پاکستان اور انکی اہلیہ نے کیمپ کا دورہ کیا اور کیمپ کے انتظاما ت کو وزارت صحت کے اصولوں کے عین مطابق تسلی بخش قرار دیا۔

مسز عنبرین مصطفٰی نے کیمپ میں خواتین کو شمولیت کو حوصلہ افزاء قرار دیا۔ گرین ہینڈزانوائورنمنٹ ٹیم کی صدر ڈاکٹر سامیۃ السعیدان نے کیمپ کا دورہ کیا۔ انھوں نے شیخ صباح مرحوم کو خراج تحسین پیش کرنے پر مسرت کا اظہار کیا اور پاکستانی کمیونٹی کے لیے جذبہ خیر سگالی کا اظہار کیا۔

NCM انوسٹمنٹ نے بھی اپنے عملے کے ساتھ بھرپور شرکت کی۔

پاکستانی کمیونٹی کے متعدد ارکان نے کیمپ کا دورہ کیا جن میں ڈاکٹر شجاع الدین، ڈاکٹر فرح زاہد، رانا اعجاز، ڈاکٹر جہانزیب عثمان، اسامہ شاہد، اخلاق احمد، محمد انعام، ایوب بھٹی، عاطف صدیقی، ریاض انجم، ارشد نعیم چوہدری، محمد عرفان شفیق، طاہر بشیر، خالد امین، سید بابر پرنس، طارق اقبال، فیاض وردگ، محمد عرفان عادل، آصف چیمہ، مسز فوزیہ باسط، مسز افشین، ندا مرزا، مسز صائمہ سکندر اور مسز روبیلہ غزل شامل تھے، جنہوں نے کیمپ کا دورہ کیا اور انتظامات کو خوش آئند قرار دیا۔

بلڈ بنک کی جانب سے کیے گئے خصوصی اور پروفیشنل انتظامات پر پاک ڈونرز کی انتظامیہ بلڈ بنک کی ٹیم اور انتظامیہ کو خراج تحسین پیش کرتی ہے جنہوں نے انتھک محنت کے ساتھ کیمپ کو کامیاب بنانے میں اہم کردار ادا کیا۔

چیئرمین پاک ڈونرز محمد عارف بٹ اور سینیئر ایڈوائزر احسان الحق عنایت نے اپنے پیغامات میں ٹیم کو کامیاب کیمپ کے انعقاد پر مبارکباد پیش کی جنہوں کی شب وروز کی محنت سے کامیاب کیمپ انعقاد پذیر ہوا۔

کیمپ کے اختتام پر منتظمین نےبلڈ ڈونرز ، اسلامک ایجوکیشن کمیٹی کے ٹیم کے ارکان اور والینٹیرز کا شکریہ ادا کیا۔ ٹیم کے ارکان میں ساجد ندیم، فیصل جمیل، عدنان جاوید (ایونٹ انچارج)، محمد اکبر، عبدالوحید جابر علی، شہباز چغتائی، حسن عابد حمید، محمد اسد، نوید اکبر علی، عبدالشکور، فیصل نذیر، محسن جاوید، شیخ سلمان شاہد، ناصر اقبال، منور حمدولے، عبداللہ اظہر، مزمل زاہد، عثمان جاوید، محمد حسن چوہدری، عابد نعیم، خلیل چوہدری، ابرار شاہ، عبدالرحمٰن شہباز، یوسف شہباز، محمد افضل، عرفان امین، ناصر بٹ، نعمان سعید، شہزاد صابر، مسز فائزہ صدیقی، مسز ماریہ، ڈاکٹر کوثر، ملیحہ زاہد، رہاب خالد، ایمان خالد، لائبہ بدر، مناہل بدر، ایمان بدر، مریم خلیل اور خدیجہ خلیل شامل تھے۔

Photo Album: 

https://www.facebook.com/media/set/?vanity=PakistanisInKuwait&set=a.3393029024128722

 

this event gone live on PIK facebook page and uploaded on youtube