پاکستان ویمن ایسوسی ایشن کویت کے زیر اہتمام سیرت النبی صلی اللہ علیہ وسلم کانفرنس کا انعقاد کویت کے طول و عرض سے سینکڑوں خواتین کی شرکت کویت میں پاکستانی خواتین کا سب سے بڑا ، منظم اور عظیم الشان اسلامی تربیتی پروگرام پاکستان ویمن ایسوسی ایشن کی زیر نگرانی تربیت حاصل کرنے والی طالبات نے بہترین انداز میں تلاوت، حمد و نعت، نقابت اور خطابت کے حوالے سے اپنی صلاحیتوں کا شاندار مظاہرہ کرکے حاضرین کے دل جیت لئے پاکستان ویمن ایسوسی ایشن کویت کی صدر مسز روبیلہ غزل نے " سیرت طیبہ اور اصلاح احوال کے موضوع پر فکر انگیز خطاب کیا کانفرنس کی مہمان خصوصی مس حنا سلیم تهیں پاکستان ویمن ایسوسی ایشن کویت کے زیر اہتمام ایک عظیم الشان سیرت النبی صلی اللہ علیہ وسلم کانفرنس برائے خواتین کا انعقاد کیا مورخہ 9 نومبر بروز ھفتہ کو ایک مقامی هوٹل کے وسیع و عریض هال میں کیا گیا جس میں کویت کے طول و عرض سے کثیر تعداد میں خواتین نے شرکت کی کہ ھوٹل کا وسیع وعریض ھال اپنی تنگ دامانی کا منظر پیش کرنے لگا۔ یہ کویت میں بلا شبہ پاکستانی خواتین کا سب سے بڑا ، منظم اور عظیم الشان اسلامی تربیتی پروگرام تھا کانفرنس کی صدارت پاکستان ویمن ایسوسی ایشن کویت کی صدر مسز روبیلہ غزل نے کی جبکہ مہمان خصوصی مس حنا سلیم تهیں. کانفرنس کا باقاعدہ آغاز تلاوت قرآن پاک سے ھوا جسکی سعادت فاطمہ نواز اور عائشہ عرفان نے حاصل کی. جبکہ کمپئرنگ کے فرائض زهرا حنیف اور فائزہ صدیقی نے انجام بحسن و خوبی دیئے. هدیہ نعت ثوبیہ عاصم، زھرہ حنیف، مسز راحت اقبال،سعدیہ خان،نادیہ خان،نائلہ مرزا اور عائشہ عرفان جبکہ کلام اقبال مریم منصور نے پیش کیا.اسلامی موضوعات پر انگلش میں بہترین تقاریر حفصہ ستار اور سعدیہ خان نے پیش کیں. ایسوسی ایشن کی جنرل سیکرٹری فائزہ صدیقی نے اقبال اور محبت رسول صلی اللہ علیہ وآلہ وسلم کے موضوع پر اظہار خیال کیا۔ حولی پاکستان انگلش سکول کی طالبات نے عربی میں خوبصورت نعت پیش کی پاکستان ویمن ایسوسی ایشن کی زیر نگرانی تربیت حاصل کرنے والی طالبات نے بہترین انداز میں تلاوت ، حمد و نعت، نقابت اور خطابت کے حوالے سے اپنی صلاحیتوں کا شاندار مظاہرہ کرکے حاضرین کے دل جیت لئے. اس کانفرنس کی مہمان خصوصی مسز حنا سلیم نے کہا کہ مجھے اس عظیم الشان سیرت النبی صلی اللہ علیہ وسلم کانفرنس میں شرکت پر بہت خوشی هو رھی ھے انتہائی منظم اور پھر کثیر تعداد میں خواتین کی شرکت اور مزید یہ کہ پاکستان ویمن ایسوسی ایشن کویت کی زیر نگرانی تربیت حاصل کرنے والی طالبات کا بہترین انداز میں تلاوت، حمد و نعت، نقابت اور خطابت پیش کرنا انتہائی شاندار اور قابل ستائش ھے. اور میں پاکستان ویمن ایسوسی ایشن کویت کی کامیابی کے لئے دعا گو هوں اور انتہائی کامیاب اور منظم سیرت النبی کانفرنس کے انعقاد پر مبارکباد پیش کرتی ھوں۔ پاکستان ویمن ایسوسی ایشن کویت کی صدر مسز روبیلہ غزل نے " سیرت طیبہ اور اصلاح احوال" کے موضوع پر فکر انگیز اور موثر خطاب کیا انہوں نے کہا کہ آج کی عورت بحیثیت ماں، بہن، بیٹی اور بیوی کے اپنی ذمہ داریوں کو احسن طریقے سے ادا نہیں کر رہی جسکی بنیادی وجہ اسلامی تعلیمات سے دوری ھے. عورت دنیاوی تعلیم کے ساتھ ساتھ اگر دینی تعلیم کی بھی حامل ھو تو وہ بہتر انداز میں اپنے بچوں کی تربیت کر سکتی ھے ایک پڑھی لکھی اور دیندار ماں آئندہ آنے والی نسلوں کی اسلامی خطوط پر بہترین تربیت کر سکتی ھے انہوں نے کہا کہ پاکستان ویمن ایسوسی ایشن کویت کا مقصد خواتین کی دینی تعلیم و تربیت اور فلاح و بہبود ھے تاکہ وہ معاشرے کی ترقی میں بهرپور کردار ادا کر سکیں. انہوں نے تمام شرکاء، میڈیا نمائندگان، پاکستان ویمن ایسوسی ایشن کویت کی تمام ٹیم بالخصوص کانفرنس کوآرڈینیٹر نائلہ مرزا کی کاوشوں کو خراج تحسین پیش کیا، اور تمام مہمانوں کا کانفرنس میں شرکت کرنے پر شکریہ ادا کیا آخر میں درود و سلام اور دعا کی گئی اور تمام ٹیم اور طالبات میں تعریفی سرٹیفکیٹس تقسیم کیے گئے اور کانفرنس کے انعقاد میں نمایاں کردار ادا کرنے والی خواتین میں تعریفی شیلڈز پیش کی گئیں اور قرعہ اندازی کے ذریعے سامعین میں انعامات تقسیم کیے گئے اس طرح یہ یادگار کانفرنس اپنے اختتام کو
پہنچی.