کویت (نمائندہ خصوصی) کویت پاکستان فرینڈز شپ ایسوسی ایشن اور انکے سپانسر پر مشتمل ایک وفد جس میں رانا اعجاز حسین ایڈووکیٹ صدر کویت پاکستان فرینڈزشپ ایسوسی ایشن ، محمدعارف بٹ صدر پاکستان بزنس کونسل کویت، حافظ محمدشبیر ڈائریکٹر پاکستان بزنس سنٹر کویت،اسامہ شاہد، اورمعروف تاجر پیرامجد حسین بھی شامل تھے نے گورنر ہاؤس الفروانیہ (کویت) کا خیرسگالی دورہ کیا،اور عزت مآب الشیخ فیصل الحمود المالک الصباح سے خصوصی ملاقات کی ، تنظیم کویت پاکستان فرینڈزشپ ایسوسی ایشن کی طرف سے عزت مآب الشیخ فیصل الحمود المالک الصباح گورنر فروانیہ کی خدمات میں تنظیم نے ہالہ فبرایئر (کویتی نیشنل ڈے) کی مناسبت سے اپنے سالانہ پروگرام میں شرکت کی دعوت بھی دی جو انہوں خوشی سے قبول کی اور اپنی آمد کی یقین دہانی بھی کروائی۔ اس کے علاوہ دیگر وفد میں عبدالشکور ابی حسن بیوروچیف نوائے وقت و دنیا ٹی وی ، معروف کاروباری شخصیت محفوظ حسین بھلو نرگانہ، حامد شبیربزنس ڈویلپمنٹ ایڈوائزر الحافظ گروپ، عاطف صدیقی چیف ایگزیکٹیو پاکستانیز ان کویت وسافٹ ویئر ڈویلپمنٹ منیجر الحافظ گروپ،بزنس ڈویلپمنٹ منیجر الحافظ گروپ عادل پراچہ، شریف حدیثوی دھرتی نیوز و فوٹوگرافر نوائے وقت،محمداحسان پروڈکشن منیجر الحافظ گروپ و فوٹوگرافر سماد نیوز شامل تھے۔ رانا اعجاز حسین ایڈووکیٹ صدر (کویت پاکستان فرینڈز شپ ایسوسی ایشن) نے پاکستانی ویزوں پر دیرینہ پابندی کے صد آزما امتحان پر اظہار خیال کرتے ہوئے نظرثانی کی درخواست بھی کی۔ جس پر جناب گورنر نے اپنے مکمل تعاون کا یقین دلایااور واضح کیا کہ گورنر ہاؤس فروانیہ کے دروازے پاکستانی کمیونٹی کیلئے کھلے ہیں ،میں پاکستانیوں کے ساتھ اکثر ملتا رہتا ہوں جو کہ میرا ایک اچھا تجربہ رہا ہے پاکستان اور کویت کے تعلقات بہت مضبوط ہیں یہ تعلقات تین جہتوں میں منقسم ہیں ، گورنمنٹ اداروں کے گورنمنٹ اداروں کے ساتھ، حکمرانوں کے حکمرانوں کے ساتھ اور تنظیمات کے آپس میں تعلقات تعمیری ہیں ۔ انہوں نے مزید کہا کہ پاکستان تین چیزوں کی وجہ سے معروف ہے ، دین اسلام پر ثابت قدمی، عمل کرنے کی صلاحیت، پاکستان اور پاکستانی لوگوں کی خوبصورتی اور سب سے بڑی بات پاکستانی ایک بہترین مہمان نواز ہیں ، اس موقع پر حافظ محمدشبیر نے گورنر فروانیہ کویت الشیخ فیصل الحمود المالک الصباح کو دورہ پاکستان کی دعوت بھی پیش کی اورپاکستان کے سیاحتی علاقوں کی طرف بھی انکی توجہ مبذول کروائی۔ حافظ محمدشبیر ڈائریکٹر پاکستان بزنس سنٹر کویت و کوآرڈینیٹر پاکستان ٹوورازم برائے کویت کی دعوت قبول کرتے ہوئے جناب گورنر الشیخ فیصل الحمود المالک الصباح نے کہا کہ ہم اپنے پورے وفد کے ساتھ پاکستان کا دورہ کریں گے۔ محمدعارف بٹ صدر پاکستان بزنس کونسل کویت نے پاکستان میں سرمایہ کاری کے امکانات پر روشنی ڈالی ، پیر امجد حسین نے کویتی اور پاکستانی بزنس کمیونٹی کے باہمی روابط بڑھانے کیلئے ایک مشترکہ پروگرام مرتب کرنے کا کہا جس کی محمدعارف بٹ صدر پاکستان بزنس کونسل نے بھی بھرپور حمایت کی جس پرعزت مآب الشیخ فیصل الحمود المالک الصباح نے خوش آئندہ قرار دیا اور آئندہ ملاقات میں اس پر مزید بات کرنے کا کہاتاکہ پاکستانی اور کویتی کمیونٹی کے روابط کو مزید بڑھانے کیلئے حکمت عملی تیار کی جائے۔ جبکہ اسامہ شاہد نے کویت اور پاکستان کے تعلقات پر بات چیت کی۔ انکے علاوہ شفیع خان چیئرمین منیجمنٹ سلوشن نیٹ ورک و چیئرمین پیپل انٹرنیشنل آرگنائزیشن نے کویت میں اپنے قیام کے پچاس سال کی تکمیل پر مسرت کا اظہار کیا۔ آخر میں گورنر الفروانیہ الشیخ فیصل الحمود المالک الصباح نے خوبصورت تحائف کیلئے بھی شکریہ ادا کیا اور کہا کہ میں اس منفرد تحفہ کو وصول کر کے خوشی محسوس کررہا ہوں ، ملاقات کے اختتام پر رانا اعجاز حسین ایڈووکیٹ نے وفد کے ممبران سے فردا فردا تعارف بھی کروایا اور ممبران کو قرآن پاک کا خصوصی تحفہ بھی پیش کیا۔ آخر میں حافظ محمدشبیر ڈائریکٹر پاکستان بزنس سنٹر کویت و کوآرڈینیٹر ٹوورازم پاکستان برائے کویت نے رانا اعجاز حسین ایڈووکیٹ صدر کویت پاکستان فرینڈز شپ ایسوسی ایشن کی اس کاوش کو سراہتے ہوئے کہا کہ ہم انکے مشکور ہیں جنہوں نے ایک مخلص پاکستانی ہونے کے ناطے جناب گورنر سے پاکستانی کمیونٹی کویت کے مسائل کو اجاگر کیا ، کویت اورپاکستان کمیونٹی کے روابط بڑھانے کیلئے انتہائی اہم امور پر بات چیت کی.

 

Click the Link to view full Album: https://www.facebook.com/pg/PakistanisInKuwait/photos/?tab=album&album_id=1601697969928512

 

 

login with social account

6.png

Images of Kids

Events Gallery

Currency Rate

/images/banners/muzainirate.jpg

 

As of Wed, 25 Apr 2018 21:01:45 GMT

1000 PKR = 2.606 KWD
1 KWD = 383.774 PKR

Al Muzaini Exchange Company

Go to top